吳千語夠甜煞食
誰說靚女沒有演技？連詩雅和吳千語由模特兒界鬥到影圈，今年一同角逐香港電影金像獎「最佳新演員」獎，兩女惺惺相惜互笠高帽，她們誓要做出好戲，務求打破「有靚樣、冇演技」的框框。
年僅18歲的吳千語（Karena）由天橋踏上大銀幕只有一年多，但早前於電影《開心魔法》中擔正，憑甜美樣貌彈起，同時憑該片入圍第31屆香港電影金像獎，角逐「最佳新演員」獎項，與各路影壇新貴交鋒！
對於能夠入圍，Karena極之意外，她難掩喜悅之色︰「好驚喜！好似發夢！入行時間咁短，可以有份參與好榮幸，係一個好大嘅鼓勵同動力，自己努力得到肯定。」奪獎固然高興，但她卻不會因落空而感失望，她說︰「有幸攞係bonus，但攞唔到唔會唔開心，因為之前冇諗過會被提名，所以我當已經拎咗。」
大讚對手
看今年的對手實在難分高低，Karena對眾人有讚冇彈，其中鄭爽被她睇高一線，她說︰「我喺內地同佢同公司，知佢好受歡迎。」提到本地薑連詩雅，兩人早於做模特兒時已認識，她坦言未有因獎項損兩人感情，她說︰「佢拎我都好開心，我覺得佢好sweet好努力，佢中文唔好，之前花好多心機去睇劇本，我覺得佢係一個好有潛質嘅藝人，希望可以一齊努力。」
服裝︰Kate Judith
髮型︰Aki@hair culture
場地︰Tasting Room Cocktail Kitchen