撐周志文唔算花心 林欣彤床照免問
無綫「巨聲二幫」林欣彤（Mag）昨日接受電台訪問，對於師兄「巨聲一幫」大孖周志文四圍追女及愛影床照，Mag力撐對方有禮不算花心，並笑指自己只會與愛犬拍床照，她說：「成世人都冇影過床照。」
英皇歌手Mag昨日為新歌到電台宣傳，她表示未有留意「巨聲一幫」周志文近日的溝女新聞，不過又為對方講盡好話：「我認識嘅佢係好有禮貌。」問到周志文有否追求過她？Mag尷尬笑說二人只屬普通朋友，繼續力撐對方說：「感情嘅嘢係佢哋兩個（指周志文及其女友）先知，又唔係同一時間有咁多女朋友，唔可以講花唔花心。（男朋友要求同你影床照？）成世人都冇影過床照，只有同狗影囉。（會否致電慰問周志文？）相信佢會冇事，佢好樂觀。」
馬賽不顧外界輿論
至於周志文及其緋聞女友馬賽同在上海拍攝劇集，對於攬女拍床照及伸脷相，周志文表示只想專心工作：「其實都係以前嘅嘢，唔回應喇，專心工作。」而馬賽澄清早前以「隨緣」回應與周志文發展可能，她說：「係誤會，我係指對感情態度，唔係針對佢一個人。（有冇睇周志文攬女新聞？）冇，每個人都有過去，唔評論人哋嘢。（扣分？）唔會，識朋友唔會因外界輿論而去定斷。」
文：音樂組