魔童冧女難捨 張智霖出手箝走
長得精靈可愛的張慕童（魔童），遺傳了父母張智霖（Chilam）與袁詠儀（靚靚）的優良「品種」，深受長輩及同齡異性歡迎。日前Chilam兩公婆到上環出席朋友飯局，順道帶囝囝「相睇」，魔童與在場的小女朋友玩到唔願走，最後要爸爸出動「蟹箝手」抱走。
Chilam與靚靚自2006年11月誕下兒子後，一直對兒子寵愛有加，不時一家三口外出親子樂。雖然Chilam最近忙於拍攝新片，但仍堅持抽時間與妻兒相聚。日前Chilam趁着不用開工，與老婆及囝囝相約數名友人到上環歎潮州菜晚膳，同場還有一名與魔童年紀相若的小女孩，似乎要為囝囝「相睇」揀女朋友仔。約晚上8時許，Chilam驅車載住妻兒到達上址，靚靚先行落車步入食店，Chilam泊好車後才抱囝囝進場。
Chilam手軟
遺傳了父母優良血統的魔童，樣子精靈可愛，席上與小女孩齊齊畫圖畫，更不時嘻嘻哈哈，兩小無猜玩得相當投契。眾人大概進餐兩小時後才埋單離開，與小女孩玩到唔捨得走的魔童，要爸爸出動「蟹箝手」抱走，但畢竟囝囝已5歲大，體重亦逐漸上升，行至馬路中心，Chilam突然手軟不夠力，隨即將囝囝放落地，然後緊拖着魔童過馬路往取車，而魔童亦依依不捨跟小女孩道別，才跟父母上車離開。
文、攝：追蹤組