郭羨妮狂掃BB用品 楊思琦出關零消費
傳患抑鬱的單親媽媽楊思琦不得不為復出鋪路，昨日被記者碰見她出關去看舞台劇，實行「零消費」增值。相反，幸福滿瀉的郭羨妮則愈來愈有母愛，瘋狂為愛女買BB用品。
楊思琦自產下女兒後，回港積極工作搵奶粉錢，早前傳出她患上抑鬱，雖然現時仍在放假，但思琦足不出戶，在封閉近十天後，昨晚，本報記者就發現思琦單拖現身香港大會堂，欣賞鍾景輝及李司棋的首場舞台劇《金池塘》，實行「零消費」偷師增值。思琦撞見記者時表現愕然，問她為何不帶埋囡囡出來？她謂：「今日我專登嚟捧司棋姐場，嚟睇司棋姐做戲嘅！」她又透露仍在等公司安排給予工作，據知已有不少商場希望邀請思琦出席5月的母親節活動。
老公溫柔 呷囡囡醋
思琦忙接Job賺錢，相反6月頭開刀產女的郭羨妮（Sonija）則四出fing錢為愛女買日用品及靚衫，昨日Sonija接受記者訪問，坦言瘋狂為BB購物：「奶樽、浴盆、護膚品都買齊，（有冇尿片、奶粉贊助？）經理人都同我傾緊。」
她又透露前日產檢，早前醫生指BB的肚圍較細，現時已回復正常，她謂：「醫生話之前我平躺瞓，可能壓住臍帶，輸送營養冇咁好，不過呢排個肚大咗好多，佢好活躍，我仲問老公佢係咪已經識打功夫！」打算餵人奶的Sonija已買定揼奶器，問老公會否陪入產房為BB剪臍帶？她笑謂：「本來佢都有啲驚，不過我話唔得，佢依家都慢慢接受，老公都好緊張！不過佢成日喺肚入面同個女講嘢都好斯文，搞到我有啲呷醋！」
文：影視組 攝：追蹤組