苗僑偉（三哥）昨日以代言人身份出席產品活動。三哥表示從報章上獲悉老友黃日華女兒黃芷晴以模特兒身份加入娛樂圈，大讚芷晴皮膚白淨兼靚女，絕對有條件。
問到其一對子女是否有興趣？三哥笑謂：「佢哋暫時都未有呢個反應，又未讀完書，等佢哋自己揀，咁黃日華個女可能鍾意影相或者畀人影呢！（有咩提點細姪女？）使乜我教，有咩華哥都教晒，不過如果有機會合作，都會照顧吓佢嘅。」
