糖妹懶管Dominic拒同居

拍多10年拖

由於兩人只拍拖個多月，問男友提出同居會否應承？糖妹潑冷水說：「佢冇提過，我諗佢得個想字，應該暫時唔會，都係結婚先，拍多10年8年拖，婚前同居唔係咁好，相見好同住難，我哋只係啱啱開始，有事業先有二人世界，都係拚搏先。」糖妹謂由於兩人都是跟家人同住，實在不方便同居。

而昨日是復活節假期，問糖妹有否叫男友Dominic捧場？她避忌說：「好多朋友、fans都有嚟，我哋好耐冇見，大家都要做嘢好忙，假期都係陪屋企人。」記者笑她見糖兄多過見男友，糖兄比Dominic更幸運，糖兄聞言即抵死說：「見仁見智啦！」

獲大批歌迷撐場的糖兄妹在場演唱10首歌。

糖妹與Dominic早前被本報踢爆秘密拍拖。（資料圖片）

演唱大熱歌

昨日由於是假期關係，有大批歌迷現身撐場，看來糖妹大方公開戀情後，依然獲得fans支持。糖兄妹在場演唱10首歌，包括近日翻hit的王馨平《別問我是誰》，糖妹笑說：「王馨平唔係我年代，但我知佢唱《美少女戰士》好hit。」

採訪：音樂組