陳茵媺甜絲絲：總之開心啦！

陳茵媺（Aimee）剛自橫店拍攝劇集《大太監》返港，據知四月初生日的她曾向監製請假一天，秘密返港與男朋友陳豪慶祝生日，昨日記者致電給她時，她直認不諱，問到陳豪如何為她慶祝，她甜到漏的笑謂：「唔同你講，我唔話你知，總之開心啦！」

紅酒鮮花施冧功

不過有指陳豪大耍冧功，以紅酒、鮮花向她求婚，二人會於十二月結婚，對此Aimee謂：「梗係唔係啦！嗰張相只係我有一日自己喺橫店享受緊，一邊睇書、一邊飲紅酒時影低，想同大家分享啫！點知畀雜誌攞咗嚟炒作。」問到陳豪有否上過橫店探班，她表示沒有，Aimee表示二人暫時沒有結婚的衝動，她謂：「我嘅衝動只係工作上，想拍多啲好劇，喺演戲方面，我有好大passion，（你咁講陳豪會好失望！）你講啫！慢慢嚟啦！依家都好開心。」

她又表示之後不少劇集都會出街，希望觀眾會欣賞到她的演出，更指《心戰》都快出街，自己亦下了不少苦功。說到她事業心重時，她笑言：「我係現代女性，其他嘢慢慢嚟啦！（同陳豪有共識？）總之慢慢嚟啦！」她又透露之後會與陳展鵬、李詩韻合作拍監製梁材遠新劇，劇中會飾演一名導演。

文：影視組