周志文拒認CoCo 馬賽攤牌
上位花旦馬賽捲入「巨聲幫」大孖周志文一腳踏兩船緋聞，昨日周志文拒承認o靚模袁聖殷（CoCo）的女友身份，CoCo大表無奈：「佢公司唔准佢認！」而馬賽坦言私下與周志文談及此事。
港姐出身的馬賽近日到上海拍攝《名媛望族》，被指與同劇拍檔TVB藝人「巨聲幫」周志文戲假情真，捲入周志文與o靚模CoCo的戀情，CoCo日前更踩到上海親自監視男友。
昨日身在上海馬賽接受電話訪問，否認是第三者，並說：「我唔知佢（指CoCo）咩樣，亦唔識佢，之前一直傳我同志文嘅緋聞已經回應咗，我哋只係拍檔、同事。」她坦言昨日與周志文開工有對手戲，但沒有尷尬：「我哋一齊開工，仲傾番呢件事。（CoCo話唔想提你，嬲唔嬲？）唔想評論人哋，我都唔知佢嚟上海，又冇見過佢。」
僅識8個月的「朋友」
至於被影到與CoCo翹手蜜遊商場的周志文，卻否認情侶關係：「我同CoCo只係朋友，大家識咗8個月，佢嚟上海探親，順道搵我。（帶你見家長？）唔係。（送佢去機場？）禮貌啫！（CoCo話男人唔睇緊就身痕？）我會同佢了解，但係依家要開工未有時間。（馬賽被拖落水？）唔知點解會咁。」而CoCo昨日得知男友周志文拒認其「女友」身份時表現愕然，她說：「我知佢公司唔准佢認。我唔識得講大話，人哋公司點管藝人我無得Comment，總之我問心無愧。」
文：專案組