諸葛睇劇唔聽歌 當法拉冇到
已成為「薛王妃」的諸葛紫岐（Marie），正式與陳法拉做「親戚」，不過兩人依然「面和心不和」，近日更有指二人將會鬥快出碟做歌手，Marie表示樂壇百花齊放不怕競爭，但直言沒有留意近日法拉為電視劇唱的歌曲，卻有追看該電視劇，擺明罷聽！
昨日Marie為全港kid模大賽擔任頒獎嘉賓，同場還有歌手Kellyjackie、唐韋琪等。Marie表示小時候也想當model，因為可穿很多漂亮的衣服，加上媽媽喜歡欣賞時裝騷，故影響了她長大後當model。
對自己歌藝有信心
問到她是否簽約老公薛嘉麟的Neway？她即說：「都嫁咗啦，都係姓薛，（咁你係咪簽？）呢間係一間好公司，好多人都想簽。其實我都想試吓唱歌，之前喺日本都出過唱片，我對自己歌藝都有信心，不過當然仲有進步空間。（鍾意唱邊個啲歌？）我鍾意唱開心嘅歌，好似傻大姐咁，（邊唱邊跳？）快歌未必得，我係跳開心舞。（老公有冇讚你唱歌好聽？）我做乜佢都讚。」
樂壇人多百花齊放
Marie「妯娌」陳法拉亦快將出碟，並正籌備得如火如荼，Marie謂：「樂壇人多可百花齊放，（可能一齊爭新人獎？）唱歌係開心，唔係為爭獎。（有冇聽過法拉唱歌？）乜佢出過碟嘅咩？我冇聽過，（佢依家幫緊套電視劇唱片尾曲？）我有睇套劇，但冇留意首歌，唔知係佢唱！」記者又言他日簽了Neway，她豈不是公司一姐？她即笑着否認，問到會否擔心公司的關心妍不滿？她說：「點會？佢把聲好靚，唱歌又好聽，我自己都好鍾意佢！」
文：名人組