歌手周柏豪、模特兒倪晨曦（Elva）及內地藝人周泓正身在泰國拍攝電影，經常在個人網誌、微博抒發情緒的柏豪昨日又在Instagram「發功」，直指有演員掛住照鏡阻礙拍攝，柏豪上載一張風景相兼寫下「很討厭那種只拿着鏡子，卻不拿稿子，導演說時不聽，拍之前又來問的人，浪費大家時間精神」，引來不少網民猜測他所指就是Elva。
柏豪昨日對自己的留言回應說：「我冇講係邊個，大家唔好咁敏感，我係聽到前輩講之前拍戲嘅經驗，大家唔好亂猜測。」柏豪為免引起誤會即與倪晨曦合照，並即時放上網，更留下「他是我電影裏面的妹妹Elva」。
而Elva否認是「鏡子人」，她說：「梗係唔係講我啦，唔清楚柏豪講邊個，今次同柏豪合作相處得好好，互相照應。（網民估係你？）我都好意外，如果真有人照鏡阻住拍攝真係好唔專業，呢啲喺埋位前做。」
文：音樂組