顏子菲唔恨拍拖 寧願閃婚
前亞姐顏子菲正值花樣年華，不過樣靚身材正的她卻坦言自己「乏人問津」，在香港工作數年亦未遇過追求者。但她就直言唔恨拍拖，感情之事，幾年之後再算！
亞姐出身的顏子菲最近當了隻無腳的雀仔，為旅遊節目四出「獵奇」，問到眼界大開的她有否尋到以後度蜜月的理想地時，她即笑說：「我冇諗咁多喎！嫁人係女仔小時候的夢想，但我個性格好少會提早計劃，見步行步就最好。」
子菲透露希望自己能於32歲左右成家立室，尚有好幾個年頭，現時單身的她又笑說：「我依家都唔想拍拖住，想以事業為先，（要拍幾年先結？）依家興閃婚o架嘛，過幾個月連BB都生埋，其實結婚都係講緣分，如果冇緣嘅話幾早Plan都冇用啦！」
來港後變宅女
於四年前隻身從多倫多回港選美的子菲透露在香港的這段日子都幾乎是單身，問到她是否眼角高時，她即說：「呢段時間都冇人追我，可能我少一條筋feel唔到啦，喺外國長大嘅小朋友對任何人都比較friendly，所以都唔會諗人哋對我好係有咩目的。」同時她又笑指自己最近變了「宅女」，連其父親亦感奇怪：「因為我以前喺多倫多，好鍾意同一大班朋友出去食飯唱K，依家喺香港反而好少出去玩，唔使工作時多數都係留喺屋企。」
文：冰奇 攝：林楠
場地：皇家太平洋酒店沙嗲軒