陳芷尤單挑蔡慧欣 橫刀撬金剛

台男金剛自主持無綫節目《五覺大戰》後，面對由八女組成的「神獸天使」猶如走入桃花陣，他早前公開冧爆天使「騰騰雞」蔡慧欣（Gemma）後，二人瞬即傳出緋聞，成為傳媒焦點。

其貌不揚的金剛，風趣搞笑，加上有一定的知名度，旋即變得「萬人迷」，除了有蔡慧欣這位緋聞女友外，「蛇蛇Gwer」陳芷尤（Apple）亦對他起痰，不惜當「小三」爭寵，經過半個月的努力，Apple終於成功埋身，最近的《五覺》消夜團中，她已能坐在金剛的身旁，與Gemma平起平坐。Gemma與Apple由拍檔變成情敵，自然口和心不和。

金剛	蔡慧欣冧功有一手，要俘虜單身的金剛難度不高。	消夜後，金剛的座駕十分搶手，不少「神獸」爭相搭順風車。

樂得左右逢源

Gemma早於參選港姐時，便曾成功電暈嘉賓羅仲謙，二人眉來眼去，冧仔功能力絕對有一手，故目前仍能保着阿大位置。據目擊者形容，在消夜團中兩女是分坐於金剛左右，金剛亦樂得「左右逢源」。其實Gemma與Apple同樣喜歡「黐」金剛，相信與二人有相同背景有關。來自11年的落選港姐Gemma，因家人在英國，來港獨自居住，而來自新加坡的Apple，亦是在港獨居，兩女同樣有顆寂寞的心，而Apple雖未能如Gemma成功入圍港姐，早在15強已出局，但有過當「Chok之天使」經驗而得監製錢國偉賞識及信任而帶她入「神獸天使」，相信因而更令其他天使眼紅。

蔡慧欣落選港姐後加入「神獸」再闖娛圈。	「神獸」雖然醞釀內訌，但工作時卻相當專業，默契十足。	「心思獅」馮秀華身材樣貌平均討好。

兩女爭寵爭出面博「上位」，其餘六天使極為不屑，其中「講唔猿」白雲更率其餘天使群起杯葛Gemma與Apple，向監製講明，私下活動「有你冇我」以示抗議。不過當有工作時，一眾「神獸」仍交足戲，就如日前八女到沙灘拍專輯照，在鏡頭前亦相當合拍，全無不和迹象。

二揀一成難題

成為兩女爭寵對象的金剛，昨日在電話中回應此事時，大為飄飄然，還大讚兩女識貨：「我有咁犀利？首先我要講多謝之外，都要讚佢兩個識得欣賞我，第一個條件因為我靚仔，第二、第三個條件都係因為我靚仔！哈哈！（你對佢哋好細心？）都係，見佢哋忙化妝我都會買嘢畀佢哋食，（知道佢兩個口味？）Gemma鍾意食飯，Apple鍾意食辣，（要你二揀一？）Gemma蠢蠢哋Apple就醒目，真係好難揀！（享齊人福？）都開心架！因為太難揀！（話消夜團中你左右逢源？）咁啱坐埋一齊啫！」

至於Gemma被問到有「小三」出現，明顯不願造就機會給對方「上位」而不願多提，她昨在電話中說：「我都唔知架！Apple係『小三』？我冇乜感覺！」而Apple則在截稿前未獲回覆。

文：影視組

服裝：Roxy