胡楓險墮窿 黎明送抱定驚

修哥人緣甚廣，開騷即全場爆滿，契仔契女和三位孫仔女輪住上台獻唱，影帝級契仔張家輝在台上更扮契爺打搞笑拳，修哥又爆兩人老婆均叫「詠荷」，要家輝唱《沉默是金》示意他不要亂講說話，盡見修哥風趣一面。

阿Lam顯幽默

之後台中央的升降台降到台底準備憶蓮出場，修哥不知台中有大窿，邊行邊講，當修哥將要墮落大咕窿之際，幸好全場觀眾齊聲喝止，修哥才如夢初醒停步，避過一劫。只差一步便跌進台底的修哥，大呼「吉人天相」。最巧合是任嘉賓的林子祥曾在紅館發生「墮窿事件」致耳膜受損，阿Lam在台上不禁開自己玩笑：「頭先你差啲學咗我。」修哥笑着說：「我唔敢學呀，我……唔掂架，好彩觀眾喝住我。」阿Lam笑道：「點解嗰時啲觀眾唔喝住我？下次我開騷要搵你幫我睇住啲窿。」

黎明為賀契爺八十大壽紅館騷，抱恙撐場獻唱。	修哥邊行邊說，險墮跟前的大咕窿（圓圈示）。	張家輝在台上大放笑彈。

黎明上台即三度擁抱契爺，為他定驚，不過修哥沒有將險些墮窿放在心上，反替黎明身體不適擔心，更為他抱恙仍堅持來做嘉賓而感動。黎明稱只是感冒不想傳染契爺才沒來綵排，又答應修哥九十歲大壽開騷再來撐場。

林憶蓮背心上陣，實行輕度性感。

阿Lam與修哥孫女合唱。

葉蒨文送香吻

至於修哥與螢幕中的肥姐（沈殿霞）隔空對唱《一於繼續笑》，一圓當年七十大壽夢想。而葉蒨文未有與老公阿Lam同台演唱，反而壓軸為修哥獻唱《紅塵》並送上香吻。演唱會順利完成，修哥笑言不感疲倦還可以再唱，講到演唱會尾聲時一班昔日EYT藝員上台變成超時要罰錢，修哥坦言：「都唔想主辦商罰錢。」

文：音樂組