遇柏豪鬥夾公仔 Eason收禮認輸
陳奕迅（Eason）日前赴東京為adidas拍廣告，有10多名日本歌迷接機，惟機場保安卻十分緊張，不停勸喻他們離開，Eason笑說：「保安連我都包圍埋，唔通以為我帶領示威集會？」有歌迷取笑Eason肥了很多，他鬼馬謂已懷孕4個月，全場爆笑。
Eason在日本還碰到同是歌手的周柏豪，大家相約食飯及玩夾公仔機，柏豪夾了4、5隻鬆弛熊，並將最大的公仔託Eason轉送女兒康堤，「技不如人」的Eason自嘲：「我冇柏豪咁勁，佢花名係『鬆弛豪』，我用咗大約三千日圓夾咗兩隻，緊張到條頸筋都拉硬咗，走嗰陣仲頭痛，不過就相當刺激！」