E Cup任睇 內衣走位 Iris春色毛邊

「爆E超蓮」鍾采羲（Iris）、歌手李蘊（Renee）昨日擔任內衣騷模特兒，模特兒徐靖雯亦到場欣賞表演。不少龍友聞風而至，更有人走到二樓高炒「攞景」，令商場擠得水洩不通。

Iris憑其E cup導彈上圍，輕鬆成為焦點，她先後換上數套內衣行騷。期間被男模「求婚」後的她把手上的花球拋向觀眾，因動作過大，導致內褲移位而不慎露毛，認真失策！騷後，她被問到其好姊妹陳靜（DaDa）密會上海富二代一事，Iris大讚該名「上海余文樂」靚仔：「不過佢話係朋友，可能暫時仲係朋友呢。（佢之前話過唔會同富二代一齊，依家自打嘴巴？）可能個男仔係靠自己努力呢！唔覺得佢自打嘴巴，會祝福佢哋。」見好姊妹有「艷遇」，Iris大呻已單身多時，揚言希望下次到自己有艷遇。

Iris（左）與李蘊各有各的美態。	Iris被「求婚」時大笑。	李蘊派小禮物時一臉尷尬。

李蘊自認性感底線

至於首次行內衣騷的Renee，表示穿內衣示人已是自己的性感底線，但酬勞令她非常滿意。問到其魔術師男友劉謙知否她接下此性感工作？Renee起初聲稱二人只是好友關係，不過又忍不住口說：「佢都知，都係工作啫，佢都想我多啲自信。（有冇畀佢過目先？）冇畀，不過佢睇過我本寫真。」她又稱今年將不會推出寫真集，會專注於音樂及拍攝工作。

文：名人組