超蓮呻冇人追：好慘

三太陳婉珍前晚以第一副主席身份出席東華三院董事局聯歡晚宴，她身穿黑色喱士裙配襯翡翠鑽飾，大方高貴，同場並有玩具大王蔡志明長女蔡加敏與夫婿馬鴻銘、前歌手區海倫與夫婿陳仲尼、名媛鄭詩韻、王賢誌等。問三太早前有指大女超雲與男友陳山聰感情起暗湧，最近有否關心超雲的感情狀況？三太否認二人情變：「我覺得唔係，佢哋一齊去咗英國旅行。」

囑仔女帶眼識人

繼又表示與仔女關係要好，無所不談，是一個開明的媽媽：「佢哋有追求者都會同我講。（帶另一半畀你過目？）仔女都會，仲會問我意見，但話得畀你聽就唔輪到你話得唔得，我只會從中忠告。」記者笑問她有否曾斷言話唔OK時，她坦言曾說過要帶眼識人：「我由細教到佢大，佢哋知乜係好、乜係唔好，唔使擔心。」問到細女超蓮有否拍拖？三太表示她正忙於溫習應付考試，至於是否多人追？她笑言不知如何作答！

三太陳婉珍自言開明，與子女關係良好。

蔡加敏與夫婿馬鴻銘拍拖而至。

健康性感冇底線

姍姍來遲的超蓮，身穿吊帶喱士花連身短裙，性感迷人，大騷青春本錢，記者笑她衣着性感？她說：「吓！OK啦！都唔係太性感，媽咪都有過目。（性感底線？）性感得健康，冇話底線！」她又表示現努力溫書應付四月底的考試，而今年七月十日將大學畢業，會留在英國搵工：「會搵會計工作，性質同我讀經濟科有關。（幫屋企人管數？）希望。（考會計師牌？）都會，好緊張因要考好多份卷，仲諗住讀完大學唔使考試。」

育有兩子的前歌手區海倫笑言不會再追女，旁為丈夫陳仲尼。

王賢誌出席晚宴。

至於家姐超雲感情是否有暗湧？超蓮笑說：「家姐都有同我講感情事，我知都唔會話你哋知，等佢返嚟自己講。（即係感情冇問題？）幾好，冇問題呀！」當記者問她感情可有着落？她笑說不講了，至於是否多人追時，她繼續笑說：「冇，好慘！」

此外，昨日超蓮在微博中表示拜山後沒有去用膳，而改道回家繼續讀書，更揚言討厭考試！而另邊廂的王賢誌也在微博中表示自己為now TV跟超蓮錄影，是首次的獨家電視訪問！

文：名人組