脹爆Yoyo推百萬job安胎

無綫小花陳自瑤（Yoyo）自去年12月宣布懷孕後，甚少作公開露面，產前最後一擊，是今年1月與諸葛紫岐出席的公開活動。據知，Yoyo親證佗B後工作一直有增無減，只是Yoyo一心想靜待家中安胎，希望以最佳姿態迎接小生命，加上老公王浩信向來是緊張大師，他一直擔心Yoyo出席活動會過於操勞，故二人商量後，決定忍痛推掉接近七位數字的多項工作，而搵奶粉錢的重任，則全盤落在王浩信身上。

闊身衫遮升Cup

佗B後愈見深閨的Yoyo，只會偶爾外出為即將出生的B女物色靚衫，或是在母親或奶奶的陪伴下，到寓所附近的公園散步舒展筋骨，以便自然分娩時可以有心有氣兼有力！雖然Yoyo現時生活清閒，但始終是第一胎，精神壓力自然不少，加上肚子一天比一天大，王浩信自然不放心再讓老婆獨自逛街。日前，王浩信便趁到上海拍劇前空檔，與母親齊齊陪伴Yoyo到中環某大型嬰兒用品連鎖店掃貨，並主攻BB沐浴盆、BB沐浴液、BB衫仔及鞋仔等。

陳自瑤手拿BB浴盆細心研究一番。

身為準爸爸的王浩信伸手查看BB鞋仔。

已有一段日子沒有見人的Yoyo，身形及面頰明顯發福，上圍亦由原本的C cup躍升至D cup，更刻意穿上闊身衫遮肚。除了老公全程十指緊扣外，Yoyo奶奶亦表現得十分緊張，除與王浩信孖咇（目及）實Yoyo，更主動幫忙推購物車，Yoyo獲身邊人呵護備至，全程一臉幸福。

陳自瑤有奶奶及老公傍實，王浩信更抓緊時間放目遠看BB車，果然上心。

陳自瑤兩頭望BB產品，身後的王浩信推着購物車亦步亦趨。

請定假陪坐月

浩信事後接受電話訪問時，透露十分擔心B女會早出世，他說：「我都好驚，之前都聽到好多人咁講，愈聽就愈緊張。」他透露醫生指B女現時重五磅多，又踢爆Yoyo佗B後變得很饞嘴：「佢好貪靚，成日都話自己肥，但我覺得依家咁樣先係最靚，圓圓哋先好，最緊要健康。」浩信又承認Yoyo為囡囡着想，選擇自然分娩，他更承諾會請定假陪老婆坐月，認真是廿四孝老公。

文：影視組　

攝：追蹤組