謝婷婷撇男友旅行好衰
謝婷婷前晚出席活動時表示復活節有幾天假期，很想去旅行，可惜男友安志杰未能同行，婷婷說：「佢要喺深圳拍戲。（有冇去探班？）冇，呢個月好忙。（復活節去陪佢？）佢哋個schedule好tight。（唔預佢去旅行？）自己去旅行好衰，佢之前send過一條同子丹過招的片畀我睇，打得好犀利，仲整親條頸，好心痛。」
另外，提到近日有報道指楊受成在自傳中透露於七十年代與女星開房一事，婷婷說：「一定唔會係媽咪（狄波拉），以佢性格可能打咗楊Uncle都未入到間酒店，佢個人咁驚青，唔會做呢啲事。更加唔可能係我契媽（汪明荃），佢好保守，呢啲咁現代嘅嘢佢唔會做。」