樂基兒腫脷豐唇更性感

黎明嫂樂基兒（Gaile）前晚以一襲鬆身裙長裙出席Dior唇膏活動，其他嘉賓還有Jessica C.（JC）、莊思敏、周汶錡、周麗淇、胡敏珊、Jocelyn、吳雨霏和鄭希怡等。Gaile表示早前到法國工作之旅十分開心，可是在當地吃海鮮卻出事了，她說：「我同媽咪食完海鮮就敏感，最初覺得喉嚨好腫脹，跟住條脷都好腫脹，媽咪就有啲紅疹。我有睇醫生，依家食緊藥，已經好番啲。我係第一次食海鮮敏感，之前都唔會。（老公Leon咪好擔心你？）佢知我食緊藥，知我唔舒服。我今日都唔係咁想出嚟，病咗唔係咁想化妝，都冇乜點化妝就出咗嚟，主要都係搽唇膏。（Leon有冇讚你個嘴靚？）都OK嘅，都幾full（豐滿）。（有冇讚你嘴sexy？）咁又冇喎，我自己都唔覺自己個嘴sexy。」

JC勁玩唇誘

Gaile又透露復活節將與母親和妹妹一起到加勒比海旅行，而Leon因要工作並不會同行，問到Leon可會提醒她要小心飲食，她說：「應該都會，我自己食嘢都會小心啲。（幾時再同Leon一齊旅行？）佢好忙，要到Summer先有時間。」

Jocelyn（左）、JC與Tais揸住唇膏形朱古力愈玩愈high。	JC揚言努力工作，證明自己是好女孩。	Jocelyn性感透視打扮捧場。

另外，JC早前的涉嫌盜竊案已正式完結，她表示可以重新出發，要生活得更健康，好好建立自己的聲譽，努力工作，證明自己是個好女孩。她又與同場的Jocelyn、Tais等友人在場內勁試唇膏及玩連環快拍，照片昨日被上載到facebook。

胡敏珊展示唇的魅力。	周汶錡與周麗淇兩姊妹齊撐Dior場。	放大圖片

文：名人組