家燕姐打勁膠邊爐
薛家燕、DJ林盛斌（Bob）、DJ黃思敏三人平日一同為電台主持節目，私下亦老友鬼鬼，經常結伴「打邊爐」，今次他們為大家介紹這家「不一樣」的火鍋。家燕姐說：「呢度最特別係個湯底，我叫咗個『龍躉骨湯鍋』，佢係用真材實料去煲出嚟，好濃、好膠，算係名貴嘅邊爐！」思敏亦大讚此湯底含有豐富骨膠原，雖然重料，但也很清，同時又可以飲，極力推介。
他們又點了即叫即打的手打龍蝦丸及即包水餃、本地牛脊肉、大大隻加拿大桶蠔、新鮮醉蝦、有機蔬菜與手打烏冬。家燕姐笑說：「我最鍾意啲蠔，因為似我，夠肉！」而阿Bob則推介手打烏冬夠煙韌。
場地：南燒北鍋