張信哲感冒開騷舞晒氣

張信哲前晚為一連兩場演唱會揭開序幕，先後換上6套歌衫的他甫出場即連唱3首歌曲，再以廣東話跟觀眾打招呼：「好耐冇見，相隔上次已有3年時間，希望我今晚嘅廣東話有進步！」台下觀眾即紛紛大讚他發音標準。

身患感冒的阿哲繼續賣力演出，他謂：「本來唔想講我感冒，但大家應該聽到我把聲沙啞，但希望大家享受，畀到大家有少少感動，同埋有勇氣追求幸福！」他又慨嘆：「愛情喺啱嘅時間遇到啱嘅人會有好結果，但好難，所以我到依家都係一個人。」

阿哲獲歌迷送上金玫瑰。	阿哲少有於台上跳舞，但跳完即喘晒氣。	阿哲唱出多首經典歌曲，聽得歌迷如癡如醉。

罕露「蘿蔔腳」

阿哲隨後化身成鬥牛勇士後與歌迷大合唱《過火》，他笑言穿上這裝束有壓力，令觀眾看到他的「蘿蔔腳」。暑假將於台灣演出舞台劇的阿哲，表示未知屆時舞台劇會否巡演到香港，故特別播放劇照，讓觀眾先睹為快。有歌迷更送上金色玫瑰花，阿哲笑言：「我之前生日都收過真金玫瑰花，不如畀多支我！」

在安哥部分，阿哲更與一眾舞蹈員齊齊跳舞，雖然舞步不算激烈複雜，但阿哲跳完即喘晒氣，並笑言：「所以點解最後先跳呢？」

文：音樂組