羅堃尉有正氣 拒出峰頭

20歲青春模特兒羅堃尉（Karen）仍在求學階段，主修韓文及英文雙語學系，年紀輕輕已有三、四年任模特兒經驗，曾跟林峯拍攝飲品廣告，更獲安排坐在林峯旁邊：「佢好好人，同工作人員都有講有笑，不過唔知係咪驚傳緋聞，所以落場時同在場嘅女模特兒都冇乜交流！」

重本出書主攻藝術

今年Karen獲公司落重本，斥資六位數字遠赴意大利拍寫真，她自己亦受寵若驚。走清純路線的她，要在一眾露肉o靚模中突圍，絕非易事，但她想以行動證明在香港出有藝術味道的寫真一樣有市場：「我覺得唔一定要行性感先吸引到人，我想出嚟嘅感覺正面啲，只可以講大家走嘅路線唔同，各有捧場客。」

工作排期到年尾

Karen所屬公司暫定印一萬本寫真，到時再看需要決定會否加印，Karen之前亦從未到訪過歐洲，此行令她相當期待。拍完寫真後，她亦會投入公司即將開拍的新戲，到年尾更會參演舞台劇演出，工作排到密麻麻！

文：專案組 攝：沈健程