自認「林瘋」粉絲 張曦雯「癡情」告白
「林瘋」林書豪在NBA的爆紅令他成為萬千少女的夢中情人，應屆國際中華小姐冠軍張曦雯也自認「林瘋」粉絲，談起林書豪的成功故事，她如數家珍：「佢讀書、打波都叻，我特登上網睇番佢啲片。」認真「癡情」！
NBA籃球新星林書豪（Jeremy Lin）短短日子已憑突出表現熱爆NBA，旋風席捲全球，成為萬千少女的白馬王子。「2012國際中華小姐」冠軍張曦雯十歲隨家人移民到美國生活，直到近年才回流返港任職模特兒及參加選美，問張曦雯可有留意林書豪的新聞？她說：「當然有，佢近期喺NBA嘅故事好有啟發性，係每個人嘅夢想，佢除咗打波叻之外，讀書又叻，直情為美籍華人增光。平時冇睇NBA，都特登上YouTube睇番佢啲片。」張曦雯講到眉飛色舞，「林瘋」魔力果然厲害。
「觀音兵」全失蹤
凡事有得必有失，林書豪成名後雖然「錢」途無限，但私隱卻被起底。當選後張曦雯也有所「失」，原來她先失去一班「觀音兵」，張曦雯笑謂：「之前都有男仔追求嘅，但係當選華姐之後就突然間全部消失晒，可能覺得難度高咗啩，唔緊要啦，證明佢哋都唔夠鍾意我。」
選美前任職模特兒的張曦雯，希望借助日後的名氣行善，她說：「我好鍾意做模特兒，可以識到好多唔同嘅人，做藝人就可借助自己嘅平台做善事，希望將來能夠為保護小動物出力。」
採訪：影視組 攝影：沈健程
服裝：PIANURASTUDIO 場地、髮型：HAiR@ethan ng（又一城）