藝員馬賽昨出席陶藝活動，她回想小時候也有玩一些「手作仔」：「爸爸會教我寫書法，但十幾歲之後因為愛上做運動就冇再做。（有冇做手作仔給男友？）我都有整啲心意卡同埋畫馬騮畀佢，因為我同以前男友都鍾意馬騮。」至於現時感情生活空白的她就表示對愛情期待和隨緣：「現階段會專注拍劇，下個禮拜會去上海20日拍《名媛望族》，之後我嚟緊喺《神探哥倫布》入面演女警，依家朝朝都去游水、做健身，希望似番個警察。（唔怕變肌肉人？）唔怕，最緊要健康。」
