G.E.M.感情困擾 變問題少女

接近兩年沒有出碟的鄧紫棋（G.E.M.），最近積極籌備新碟，更會飛到美國錄音、拍MV及唱片封套。G.E.M.表示新歌《潛意式的殘酷》便是講自己的情緒問題：「對人傷害最深嘅唔係身體上嘅痛，而係潛意識嘅傷害！當你有好多嘢抑壓，加埋啲人嘅批評，處理唔好就好易變情緒病！」

跌到企番起身

G.E.M.坦言自己面對不同問題會有不同睇法，近一年更要面對感情、屋企及宗教等問題，問到是否變成問題少女？她說：「我都係一個普通人，大家有唔同嘅問題。（點解決？）我最大嘅出路係神！自己面對咁多問題，搵到釋放嘅方法，想大家知道我點樣跌到企番起身，令我對人生更有希望、更熱愛，如果搵唔到出路會好辛苦！」

G.E.M.樂觀積極，深信凡事都有出路。`

G.E.M.與林宥嘉一段緋聞，飽受歷練。（資料圖片）

提到為何相隔近兩年才再推出新碟？G.E.M.表示：「自己其實都心急，但唔想新歌冇意思，所以搞咁耐！今次新碟講我對生命嘅態度，呢一年處理唔同問題嘅心情，雖然面對嘅唔係死人冧樓，但都要面對，所以呢隻碟係好積極，因為凡事都可以搵到出路！」

一首MV九套衫

G.E.M.更透露今次找了一位芬蘭導演合作拍MV，並會訂造多套衣服拍攝，其中一首MV更預備了九套衫，認真誇張！問到當中可有性感衣服？她說：「唔會好性感，主要係突出歌嘅感覺！」

文：音樂組