李婷婷為形象戒蒲
2011年工展小姐亞軍李婷婷（Tina）曾經貪玩爛蒲，幸好及時醒覺，Tina認為自己當年年少無知深感後悔，彈得一手好古箏的她，既為自己，也為o靚模形象增值，她說：「我18歲前鍾意蒲，試過蝕底，被唔識嘅男人扮醉狂吻、摸pat，我雖然貪玩，但絕對冇一夜情，依家21歲，唔想再hea落去，但我去選美唔係為洗底，係想爭取經驗，想入娛圈拍戲，只要劇情需要，我可以性感內衣、比堅尼上陣。」
Tina知己知彼自評優缺點說：「我最滿意自己對鳳眼，有古典味，但男士會誤會我放生電，女士會以為我眼睥睥，試過有人同傳媒講我爛蒲，好彩最後都證明我清白。我唔滿意塊面水腫，所以我有打過botox瘦面，上鏡真係靚咗，但整容我就接受唔到。」