楊怡出手為馬國明執到正

無綫行政主席梁乃鵬前晚為《On Call 36小時》設宴，主角楊怡和馬國明因時間緊迫而穿《名媛望族》的戲服到場，楊怡的緋聞男友羅仲謙亦有同場。馬國明表示《On》劇令他工作接踵而至，更坦言想為家人換屋。提到鄭嘉穎睇好他今年奪「視帝」，他表示：「嘉穎不嬲錫我，仲話帶我返內地『掘金』，佢係好兄弟，仲有提我着衫方面要改善。」此時馬國明更爆楊怡曾帶他往買衫因有折扣，記者追問楊怡時，她爆料謂：「佢今日本來冇着件外褸，我話佢成個侍應生咁，佢先着番咋！佢乜都有：有樓、有演技，係冇taste，作為朋友會畀意見佢，我冇心踩佢，想幫佢咋！（佢冇女喎？）咁呢啲要睇緣分。」