莊思明做老闆 陳司翰低調撐
莊思明開新時裝店，其緋聞男友陳司翰無懼閒言閒語，親身到場支持，給伊人一個意外驚喜，足見二人關係非比尋常，戀情終於正式浮面。
模特兒莊思敏、莊思明、莊思華三姊妹及劉晨芝合資的時裝店前晚舉行開幕派對，吸引圈中一班好友到場支持，而賭王千金何超盈到場後，沒有接受訪問即匆匆入場。身穿性感低胸裙示人的莊思敏笑言：「今日好多朋友義務嚟，最開心設計師Julie飛咗半個地球由紐約來港支持。（場地唔使錢？）欠下好多人情債，但都好落本，酒水、場地設計花咗六位數。我會一世贊助朋友，希望朋友結婚都會着我哋嘅出品。」
恭喜陳慧琳生B
思明被問到知否男友陳司翰會前來捧場時，她說：「真係唔知，邀請卡由公關寄出，唔知邊個會到。（唔打畀佢問吓？）我今日好忙，冇睇過電話。」談及陳司翰天后胞姊陳慧琳剛誕下第二胎，她表示未見過陳慧琳，但這是喜事，故一定會恭喜對方。問何時輪到她？她則避忌說：「今日唔講呢啲！」
不久，「男主角」陳司翰與一名長髮女伴到場，女伴迴避鏡頭，司翰則禮貌地向記者揮手打招呼，記者問他是否捧女友場時他未有回答便火速入場，未知是否不欲緋聞搶鏡。
文：名人組