城城搞出人命 風騷負責
郭富城前晚出席時裝活動，他自言自己行騷不用請教女友熊黛林（Lynn），但就不忘大讚對方是專業model。對於陳慧琳剛誕下第二胎，問他何時才與Lynn搞出人命？他笑指記者的問題不負責任，但就風騷自稱是負責任的人。
天王郭富城、名模貝安琪、Jocelyn和黃德斌等前晚出席活動時，城城被問到會否請教女友熊黛林（Lynn）行騷技巧？他就大讚對方是專業model，但自言在舞台多年，已一早超越model境界，他笑言：「我行出嚟已經上身想唱歌跳舞，仲有句潛台詞：『我靚唔靚仔？』。」
鞋多塞爆櫃
此外，問到會否跟Lynn一齊逛街？他說：「自己寂寞行街，未識Lynn之前都係自己行架啦，（二人同行，一人免費喎？）搞爛gag！我買鞋機會率多過買衫。」拉開話題的城城還自爆家中的鞋已多到塞爆鞋櫃，問他會否換大屋？他則表示不如買間百貨公司，記者即取笑他應該買大屋「藏嬌」，他就裝聾扮傻。
當提及陳慧琳剛誕下第二胎，他就恭喜對方：「係開心事，見到身邊好多藝人生B，（你仲唔快啲搞出人命？）你哋（記者）講嘢咁不負責任o架？我係負責任嘅人，佢哋生B，又燒埋落我度？」
黃德斌扮Chok
而同場的貝安琪透露下月底將會演出洪金寶執導的電影，並飾演打女角色。問知否名模Cara G.的婚訊？她表示替對方開心，又坦言雖跟男友未討論結婚問題，但心態上已認定對方。黃德斌則表示已多年沒有行騷，最開心是可以在台上扮Chok。
文：名人組