江若琳唔吼相撲手 怕瞓覺被壓死
江若琳（Elanne）昨出席海港城的「櫻花祭」活動時，嘗試推動及舉起一個超過300磅的重量級日本相撲手，該名相撲手隨後抱起Elanne轉了一圈以示回禮。事後Elanne笑指第一次接觸相撲手的肌膚覺得很滑，她說：「我頭先作勢舉起佢嗰陣淨係掂到佢膊頭同腋下，有啲尷尬但佢哋好可愛，好有安全感。（會否選擇這類型做男友？）太勁啦，佢瞓覺轉個身會壓死我。」
談到好友杜汶澤刪除微博一事，江若琳表示心痛和無奈：「阿澤嘅微博好好睇，刪咗好可惜，其實佢都只係撐朋友啫，冇中傷任何人，喺微博入面大家都只係寫自己感受同生活點滴，網友留言中傷係好唔應該嘅事。」