陳法拉EQ提升免疫力強
陳法拉早前因表示擔心遊行影響劇集收視而遭網友狂轟，前晚她出席時裝活動時說：「嗰日要宣傳套劇，所以盡最大努力呼籲大家睇，可能大家去完遊行示威之後可以返屋企睇劇，開心一下。（畀人鬧唔開心？）唔會，香港言論自由，網上有好多聲音，好難令每個人都鍾意我，微博上都有好多人讚我。」
問到法拉現在面對是非，EQ是否高了，她說：「多謝，其實都希望自己不斷進步，對每件事有唔同嘅睇法，正面咁去吸收啲提議，心境成熟啲，盡量令自己開心啲，預咗呢行會有高高低低，想自己愈做愈好。（係咪百毒不侵？）少少感冒都有，係免疫力強啲。」