無綫花旦胡杏兒去年在男友黃宗澤屋企雙雙被雜誌偷拍，但去年因忙拍劇未能與黃宗澤、王浩信、陳自瑤聯袂向私隱專員公署就家居被拍作出投訴，她昨日出席活動時對於私隱專員公署調查後裁定兩雜誌違反私隱條例，大讚該署「做到嘢」，雖然要趕往上海工作而未能出席記者會作支持，但她說：「藝人同傳媒嘅關係好微妙，大家都需要對方，希望大家可以保持好好嘅關係，採訪時唔好太過火，呢啲影入屋企係需要好精密嘅器材，同時亦波及同影響我哋嘅鄰居。今次私隱專員公署做到嘢，作為藝人覺得好開心。」
