蔡少芬過期奶媽冷落愛女

藝員蔡少芬（Ada）、伍詠薇、鄧萃雯、苟芸慧、陳豪、黃德斌、剛過檔的陳煒及新人章宇昂等昨日在將軍澳電視城為新劇《金枝慾孽（貳）》進行開鏡拜神儀式。蔡少芬的女兒已十個月大，開始學行路，看見女兒成長令Ada感幸福又興奮。不過，近期忙拍《金枝》的Ada也忙得沒有時間湊女，她說：「之前拍咗四日戲拍得好痛苦，因為劇本前一晚先有，所以好緊張，返屋企都即刻刨劇本，個女爬過嚟攬住我對腳都因為要背劇本唔得閒理佢。」

蔡少芬被問到會否向監製要求提早出劇本？她說：「冇辦法嘅，叻嘅編劇係咁，同阿戚、旭明合作咗咁耐都慣晒啦，自己要夠瞓，精神好啲記性都好啲。」問劇中扮演奶媽的Ada可要「裝胸作勢」，她說：「唔使，我係過期奶媽，只係負責點人餵奶。」

剃光頭的章宇昂（中）自言感覺清爽。

陳豪大懵，連拜神都唔記得而遲大到。

陳豪昨日遲了足足40分鐘才到場，連累大家呆等他拜神，他說：「我完全唔記得咗今日要拜神，今次斷正，我會沖多幾杯咖啡同請食飯向大家賠罪。」陳豪近期戒油減肥，瘦了20磅，他表示也希望到橫店探望女友陳茵媺班。

章宇昂剃頭做太監

伍詠薇坦言今次與眾多猛人合作壓力很大，問到拍攝時多不多NG？她搞爛gag笑說：「我姓NG，所以大家唔可以怪我NG，其實大家事前溝通好NG唔可以有不滿，所以拍攝氣氛好好。」新人章宇昂為演小太監要剃頭，他指感覺相當清爽。

文：影視組 攝：攝影組