阿倫籲港人勿搞破壞
梁振英（CY）前日在特首選舉勝出，土生土長的演藝界選委譚詠麟，被嘲與吳思遠、黃百鳴等由原來挺唐英年轉軚撐CY。昨日阿倫接受查小欣電台節目訪問澄清：「前幾日記者問我投邊個？我話投良心一票，佢就話梁生，佢聽錯唔緊要，我唔使解釋。」阿倫拒絕透露投票給誰，但表示最想投給范徐麗泰和葉劉淑儀，可惜兩人都不入閘。
籲畀時間CY
對於CY未上任已受抨擊，阿倫有感而發認為香港人諗嘢過咗龍：「畀時間人哋做，香港人成日鬼殺咁嘈，冇樣做得成，搞破壞點成事？」他又呼籲港人想清楚回歸的真諦，不要自亂陣腳，更形容中國有動亂會是世界性災難。阿倫發表完一番苦口婆心的言論，隨即打圓場反問剛才是否太衝動。隨後阿倫又在微博發言：「改朝換代是自然的事，亦不一定是壞事……想得太多及不着邊際的意見太多是沒有用的，香港人放輕鬆啲！」
至於曾為唐英年在造勢大會前作3堂口才訓練的張堅庭，受訪時指唐唐運用文字能力弱，可能與他在外國讀書有關。他又讚梁振英聲線磁性，能吸引3、40歲的女性。
電影人憂心
此外，昨日有傳香港電影人憂心梁振英上任，會令由唐英年有份推動的香港電影發展基金停止運作，令申請資助的電影及金像獎頒獎禮都受影響。對此金像獎主席陳嘉上表示：「電影發展基金成立以來效益都好大，好似《歲月神偷》都係透過資助來拍攝，所以停止機會唔高，若真係停止嘅話，會係一個遺憾！」
文：音樂組