陳浩民由於經常要返內地拍劇，被迫與B女分隔兩地，為解相思之苦，浩民只好透過視像及照片了解B女近況。成為人父後的浩民，連追劇的口味都變了，最近他力捧now海潤台熱播的《尋找月兒》，貪箇中父親尋找兒子的劇情夠寫實到肉。
藝人陳浩民由於經常要返橫店拍劇，陪伴女兒的時間少之又少，浩民坦言「無時無刻都掛住囡囡」，為解相思之苦，他只好每天催促太太蔣麗莎傳囡囡視像及相片給他隔空「頂癮」：「我一休息就會叫太太咁做，我會睇吓啲相同視像，留意個女有無變化，有時睇睇吓會睇到笑，自己都覺得好似傻佬。」
由於內地拍劇消遣娛樂少，除了看囡囡照片及視像，浩民亦會看內地劇解悶，最近他就迷上了now海潤台熱播的《尋找月兒》，並謂對劇中與兒子失散的爸爸深表同情：「我梗係明白爸爸要搵番親生骨肉嗰種焦急啦，真係睇到好鬼肉緊！依家我睇劇嘅口味都轉咗，鍾意劇情片，而且海潤台嘅製作不嬲係信心保證。」
浩民又指自從報章上得知香港有拐子佬後，現時每次外出都特別小心：「唔會畀佢離開我雙眼範圍，喺內地亦唔會隨便帶個女去偏僻嘅地方，同埋點都會自己抱實。」浩民又指若真的遇上拐子佬，他會十分擔心：「BB又唔識講嘢，點講到佢有幾辛苦呢？一諗到呢啲，我就好投入到《尋找月兒》主人翁嘅心情，我覺得套劇好啱一家大細睇。」