莊思敏懷Ｂ兩月成功催生
莊思敏（Jacquelin）與胞妹思明及思華，以及好友劉晨芝等合資的時裝店Tinseltown昨日開幕，前港姐陳庭欣及張嘉兒特來捧場。近日忙於趕工的Jacquelin對「BB」終於出世？她笑說：「人哋十月懷胎，我哋兩個月就催生，多謝班朋友畀營養我哋，不過都幾辛苦，我四日冇瞓過覺，依家魂魄都唔齊。」
Jacquelin指時裝店共投資了二百萬元，問到父母可有打本？她表示靠自己，而且這間小店對父母來說只是小兒科玩具而已。那可有邀請前度出席？她說：「消失咗喇，而且間舖係賣女裝，遲啲先入男裝，（入男裝順便搵新歡？）係呀，要成熟穩重高質素，仲要有內涵，（咁賣埋內衣囉？）都好，知埋佢size。」
而與陳慧琳胞弟陳司翰拍拖的思明也大嘆辛苦，記者笑問男友可有肉痛？她即撒嬌說：「我冇同佢講，唔知佢痛唔痛？」而司翰雖然冇出席，但亦識做地送上花牌。