麥貝夷環保妙法 最啱大頭蝦
歌手麥貝夷（Karene）原來亦有不少環保貼士，她表示由大學時期開始，已養成自備水樽的習慣：「因為讀大學嘅時候，周圍都有水機，所以嗰時開始會帶水樽返學。」入行後，她除了帶水樽外，更多了一個習慣，她說：「依家去到邊都會帶定支筆，因為好多時做嘢，後台都會有支水畀我哋，我習慣喺上面寫名，咁就唔使下下開過支水咁浪費啦。」
購物方面，Karene表示會帶備環保袋，並向大家分享一個小貼士：「為咗提自己記得拎環保袋，我會將個環保袋放喺大門口附近，咁就唔會唔記得喇！同埋依家有好多環保袋嘅外形好似吊飾咁，我會買定啲得意嘅環保袋，掛喺個袋度，既可以裝飾，又可以做到環保，一舉兩得！」
