劉倩婷心繫茶餐廳美食
港姐出身的劉倩婷（Sandy）出名孝順，日前她帶媽咪品嘗她最愛的地道茶餐廳美食，雖然Sandy貴為港姐，但她卻最心繫於平民化的香港美食：「我13歲就飛咗去英國讀書，喺嗰邊生活咗十幾年，唔知係咪因為咁，令我好懷念食中菜，特別係香港嘅茶餐廳美食！」身旁的劉媽媽亦謂：「Sandy真係好鍾意食中菜，當年佢喺英國大學畢業，佢專程喺唐人街入面搵咗一間出名嘅中菜館同我哋食飯慶祝。」
不過正所謂物離鄉貴，Sandy笑言：「喺外國食中菜真係可謂貴夾唔飽，嗰一次我哋五個人食咗五千幾蚊！但其實只係食咗一啲好普通嘅菜式，例如炒芥蘭、銀雪魚等等。」正因為這次經歷，令Sandy更愛茶餐廳美食：「我好proud of（自豪）香港嘅茶餐廳，因為真係物超所值，而且呢個係香港地道嘅飲食文化！」問到最喜愛的菜式，她表示：「其實我最鍾意食菠蘿油，另外就最鍾意食生炒骨、粟米斑塊、西蘭花炒牛肉等等嘅家常菜。」
服裝：Playboy
化妝：Frances Ho
髮型：Calvin Tsoi@Hair