李曼筠密實浸溫泉名廚嫌棄
「動漫Maggie」李曼筠，早前為有線拍攝飲食節目《名廚‧鄉土濃情甄文達》，在廣東拍外景時，換上一件頭泳衣與飲食達人甄文達齊浸溫泉，33D上圍胸湧而出，不過甄師傅並不受落，對着性感尤物時竟顯得木無表情。
餵湯賠罪
昨日甄文達出席節目宣傳活動時，終於解開木無表情之謎，原來他嫌Maggie未夠性感：「我想佢着三點式，但佢就好似披咗三件睡袍咁」Maggie聽畢即反擊謂：「無咁誇張，只係得一層薄紗遮住啫。」之後，Maggie即餵甄文達飲湯「賠罪」，場面熱鬧。
談到拍攝趣事，Maggie說：「最特別係食咗水蛇沙律同沙蟲乾，又試過捉黃鱔同捉雞。」愈說愈興奮的Maggie，還自爆試過徒手捉蛇：「我知道啲蛇無毒所以唔怕，連啲工作人員都會話我好大膽乜都敢拎上手。」她表示完成節目拍攝後肥了數磅，難怪近日不斷嚷着要減肥。
文：影視組