阿倫玩寸「尿break兒」

阿倫前晚開騷，太極成員鄧建明及雷有輝為他伴奏，樂隊Mr.成員Dash及Tom亦有現身捧場。阿倫於台上獻唱多首新歌及舊歌，聽得歌迷如癡如醉。當台上播放新碟MV製作花絮時，阿倫表示拍攝當日花了六小時拍攝七個MV。

廖碧兒無辜被改花名「尿break兒」。（資料圖片）	鄧建明（右起）、Tom、阿倫、雷有輝及Dash於音樂會後合照留念。	阿倫與雲妮於台上你一言我一語，引得觀眾笑不停。

未知有冇分紅

阿倫說：「因為有管弦樂團，佢哋有放工時間、飯break、Tea break、尿break！」任司儀的DJ雲妮即笑言：「尿break兒（廖碧兒）？」阿倫聽後當然不放過搞爛gag機會：「尿break一會兒！」引得全場觀眾發笑。雲妮於台上提及「小圈子選舉」及「流選」等字眼，令有份投票的阿倫不禁表示：「你再講我都唔知點接！」

阿倫接受訪問時透露新碟昨日推出，更笑言手快有手慢冇，因為之前推出的boxset唱片售價過千，銷量亦甚佳。問到是否分紅賺很多？他說：「有冇得分都未知，要返去睇吓合約先知。」

會投良心一票

提到特首投票日明天舉行，問他會否投票？阿倫多次表示仍考慮投票給哪一位候選人：「揀緊燕窩，晚晚聽埋都係燕窩（意指各候選人多口水），揀得好辛苦。（一定會投其中一個？）一定要盡責任，會投良心嘅一票。（有弦外之音？）冇，唔好諗咁多。」記者再次提議阿倫做特首，他說：「咁害我？咁睇得起我？我能力係專注到好多嘢，但唔可以應付咁多瓣人。」文：音樂組