吳鎮宇變性梁琤讚索
吳鎮宇與梁琤在許鞍華執導一部20分鐘短片《我的路》中演夫婦，鎮宇事業有成、家庭美滿，突然要變性做女人。鎮宇稱許鞍華給他最大的難題，就是讓他自由發揮：「我一直希望拍到許鞍華嘅戲，佢之前嘅《天水圍的日與夜》，演變態佬最啱我，但我唔夠華哥（任達華）嚟，個角色畀佢演咗，依家終於有機會，但難度好高，亦係我最大突破！」
鎮宇又稱許鞍華得獎無數，他對這部片卻無期望：「部片比獨立短片更短，冇項目去爭獎，但可以喺國際電影節展出已經好開心。」梁琤在片中演鎮宇太太，大讚「老公」的女人造型比她更斯文：「鎮宇演得維妙維肖，但如果真實生活中我老公要變性，真係接受唔到。」