泳豪受壓涼茶降火

前日高調回港的楊思琦，抵港時在機場發表簡短回應後，便一直躲在清水灣半島寓所深居簡出。思琦這次返港，外間除了關注B女生父誰屬及吳帥去向外，其舊愛李泳豪亦是焦點之一。予人感覺對思琦十分癡情的豪仔，昨如常游走各區，心情全無異樣。

承諾愛護餘下6狗

據知由於家中愛犬咬爛了固網電話，豪仔昨午先到電器舖買新電話，再出發往葵涌出席友人車行的開幕活動。之後他在友人陪同下，轉往旺角吃喝玩樂，未知是否連日來備受追訪壓力，豪仔先飲涼茶下火，再到電器舖看電子相架、生果檔買杧果，然後到金魚街睇魚缸兼玩龜。豪仔事後受訪時透露有意與友人車行搞合作，又謂有意將賽車帶入演藝圈，問到如此積極搵銀是否想做鑽石王老五？他不置可否：「好難得興趣搵到錢，但仲係學習階段。」曾被指要靠女友的豪仔，更強調現時收入已OK。

泳豪昨日出席好友的車行開幕活動，趁機取經。	泳豪烏身挑選電子相架，莫非打算送禮？	泳豪途經生果檔，買下一袋杧果。

豪仔又指會繼續疼錫思琦留下的六隻小狗，不過談到與思琦的關係，豪仔斬釘截鐵謂：「其實呢件事係時候close file，我想專注工作，（新對象？）未有。」他重申不會與思琦聯絡：「希望佢返嚟有新一頁，包括囡囡、事業、健康都好好。」但被問到是否已原諒思琦，豪仔則不願正面回應：「唔講呢啲，過咗去喇。」

思琦B女病況轉好

據知思琦留在家中其實是想專心照顧發燒的B女，即使自己感冒又屙又嘔，亦只吃成藥「頂檔」。記者昨致電思琦慰問病情，電話中的思琦聲線明顯好轉，她透露B女情況同樣有好轉。而對於近日種種傳聞，思琦則不願再作回應：「其他問題唔想再多講。」

文：影視組