洪金寶老婆 前妻冇唔妥
洪天明成家立室，最開心不過是父親洪金寶，昨晚在婚宴上他開心得滿場飛笑謂自己像侍應，講到他親手炮製潮爆的豹紋卷蛋及鍋貼給兒子與新抱做早餐，洪金寶說：「佢哋兩個都唔得閒，整畀佢哋食應該嘅。」問洪金寶可希望弄孫為樂？他說：「當然想，仔女都冇所謂，老咗就湊孫。」
對於有指他的現任妻子高麗虹與前妻見面時面左左兼冇偈傾？洪金寶說：「唔係，佢哋有打招呼，一個講廣東話，一個講韓文有咩講呀？又唔係尋日分開，分開咗幾十年啦。」洪天明則說：「咁耐都冇乜機會見面，呢啲情況好正常，但係就冇話面左左，我係孝順仔會做番自己嘢，媽咪同家蔚都好好傾，成日傾長途電話。」
