貝安琪同Rosemary隻揪
模特兒貝安琪昨日出席活動時透露四月會有新戲上映，與洪金寶合作，戲中飾演打女，早前並勤練跆拳道同中國劍：「戲裏面同洪金寶大哥有對手戲。佢有教我嘢，而且佢又好搞笑同好叻！」至於拍戲期間有否受傷？她說：「整親一定有，但都係整瘀啫。」她坦言想做打女，最想同甄子丹、李連杰同成龍合作：「不過都好想同洪金寶再次合作。」
記者笑她有否與男友打交？她說：「冇！不過有同Rosemary打交，玩巴西摔交，我哋上次仲整親，好好玩。（可以防狼？）係。（有冇人佔你便宜？）香港係好安全地方。（飲酒夜場呢？）我少去這些場合，去嘅話就會小心，不過如果飲醉都打唔到人。」