林莉邂逅奇洛 冧到瞓唔着
有「翻版林志玲」之稱的前港姐林莉，日前在宴會上遇到偶像國際巨星奇洛李維斯，她儼如小粉絲，主動出擊埋身，獲對方大讚是超級美女，即時飄飄然，還徹夜難眠。
林莉（Carrie）早前在韓國為港爭光，獲Asia Star Model Award殊榮，令她在工作上更上一層樓。除了工作，她的美貌同樣獲賞識，對方還是她的偶像型男奇洛李維斯。
林莉早前穿上設計師Noel Chu最新春季晚裝，應邀出席慈善晚宴，席間有緣與奇洛見面，她開心地說：「我就坐喺佢隔籬枱，佢係我偶像，我鍾意到爆，第一次面對面見佢，真係好開心。」
若合作願貼機票
而一向比較怕醜的Carrie，為求親近偶像，主動出擊上前要求合照，她說：「佢好好人，我哋仲有傾偈。」Carrie獲奇洛稱讚她是美麗高貴的女生，十分有魅力，Carrie開心說香港有很多很美麗高貴的女生可以為他介紹。被問到奇洛有否邀請她拍戲，她說：「我只係同佢傾咗幾句，冇傾呢啲，我自己當然好想同佢合作，如果佢搵我，我自費機票都冇所謂，今次冇機會問，如果再有機會都會自薦。」
林莉全程勁冧奇洛，表示當晚回到家後，心情還未能平復，整夜難眠，被問到他是否心目中理想的男友，Carrie說：「佢係全球女性夢寐以求嘅男士，佢出名專一又癡心，個個都想做佢女朋友。」
文：名人組