鄭伊健誤吔「詐」蛋
鄭伊健、鄭少秋（秋官）及林峯等昨到會展出席電影宣傳，伊健透露首次在北京拍攝長達三個月，他與其他演員的助手更組了個「煮食團」：「因為喺北京食過假雞蛋，佢表面係一隻雞蛋，但係可以好似泥膠咁鍊，所以都係自己煮穩陣啲！」那他可有因此而食肥了自己？他謂：「冇，拍得好辛苦，每朝凌晨四點起身等通告o架啦！」同時他又透露拍騎馬戲時曾墮過一次馬，幸好並無大礙，又笑說：「依家拍攝時有專用馬，不過啲馬內訌所以試過換馬！」
另外，秋官於活動上被導演于仁泰笑指他是「老餅」及「最老型男」，秋官即開玩笑說：「豈有此理！早知唔做！（有冇嬲？）冇，老有老發揮、老有老魅力啦！」同時，將近十年未有拍電影的他又透露曾推過劇本，不過經導演游說及老婆安排後亦欣然接拍。