霆鋒護仔咬拐子佬九世
謝霆鋒感謝傳媒當囝囝的「貼身保鏢」，令他放心不怕近日的拐子佬報道，且誓言倘若有人夠膽打一對兒子主意，他會「九世咬住唔放」，果然愛子情切！
霆鋒昨偕同劉青雲、廖啟智等，為英皇新片《消失的子彈》宣傳。談到近日的疑似拐子佬問題，身為兩子之父的霆鋒顯得氣定神閒，忽然公開多謝記者，他說：「記者追訪好好，每日有六百萬對眼睇住，影咗張相就有二百個微博轉發，好有安全感。謝霆鋒傻o架，我咁搏都係為咗兩個細嘅，如果嚟搞我，我會咬住佢九世唔放。」
刪床戲呻白做
霆鋒愈說愈興奮，更補充表示兩個仔年紀還小，歡迎傳媒貼身追訪，甚至影他們換衫及大小二便亦無任歡迎，他說：「最好影多啲，我唔明點解其他啲藝人家長咁抗拒記者，不過如果好似包包（陳奕迅囡囡）咁日漸長大，咁就唔係幾好。」霆鋒語畢，令大家忍俊不禁。
記者會上，監製爾冬陞爆霆鋒與楊冪有床戲，但因為要配合內地上映，要作出修改，霆鋒聞言即謂：「那我是白幹的嗎？」事後澄清說：「其實唔係床戲，只不過錫咗幾吓，我好少拍呢啲戲，對上一次印象中係同舒淇，拍呢啲戲感覺幾新鮮。（保形象唔想拍？）唔係，只係冇人搵，如果要拍都要練。（練？）練大隻呀。」
爆破戲青雲驚
同場的劉青雲則大讚霆鋒專業，很多反應動作也堅持親身上陣，儼如打上癮。拍攝一場室內爆破戲時，青雲被威力嚇怕：「感覺好似室內放維港煙花咁。」他將與古天樂合拍彭氏兄弟新戲，扮演消防員，青雲表示會操體力，以應付連番動作場面。
文：影視組