Chilam笑靚靚獅吼功護子
袁詠儀（靚靚）昨日出席活動，對全城關注的拐子佬問題，表示十分擔心，但卻不打算聘請保鏢。她坦言不時向兒子魔童灌輸有關消息，例如跟他看相關報道：「我教佢有人拉住佢要大叫，又試過突然從後抱起佢，等佢有啲危機意識，佢都有踢腳。（畀佢學功夫？）有諗過，不過風水師話今年學會斷手斷腳，所以唔學住。」問到何不叫老公張智霖（Chilam）抱緊魔童？她笑言：「唔得o架，佢要型，由得佢周圍行。」
而Chilam出席另一活動時，即時為自己進行大平反，並說：「狗仔隊最明，我成日都抱仔。（請保鏢？）我老婆咪就係，佢獅吼功好勁、好有料，我都忌佢三分，所以千祈唔好埋我哋身，佢唔係人咁品！」他認為家長有必要保護自己的子女，並斷言會拚上生命同對方死過！