洪卓立貼錢做歌止7碟之癢

Ken預計於3月中至尾推出全新廣東碟，自言不願歌路平淡的他，希望新碟能有突破，故新碟創作過程中，他參與了不少意見：「今次隻碟好有故事性，每首歌都有串連，唔係聽完一首自己鍾意嘅歌就算，我想啲歌迷可以成隻碟聽晒。」Ken覺得現時科技發達，聽歌可以隨時隨地，花個幾小時聽他的唱片，絕非難事。

無懼被指敗家

Ken謂除構思上有新嘗試，他自小已喜歡台灣天后孫燕姿的歌，自知未有機會跟她合唱，故退而求其次，打算自資請孫燕姿的音樂班底來港，為他作曲及監製一首兩語的新歌，問他為何不向唱片公司申請贊助？他坦言：「係資源問題，依家唱片好難做，唱片公司唔係喺金錢上無限量支持歌手，所以我惟有自己出錢囉。」問他可覺得此舉很傻？Ken斷言：「一啲都唔覺得，反而好值得添！首歌係自己o架喎，有啲人都話我畀5至6位數做一首歌，好嘥錢、好敗家，我唔怕囉。」

陳嘉寶被邀演出洪卓立的ＭＶ，二人第二次見面即有床上戲份。（資料圖片）

放大圖片

與嘉寶拍床戲

另外，Ken又說早前請得「邦民女」陳嘉寶（Anjaylia）拍攝《想一個人》MV，一想到兩人僅第二次見面就要拍床上戲時，即尷尬說：「因為佢着住吊帶背心同短褲，我哋又要長期間困喺張床度，所以我要成日用張被捲住自己，怕有太多肌膚之親，唔想個女仔有蝕底咗嘅感覺。」

採訪：音樂組

化妝：Sherman Fung@Love Cosme Make Up

髮型：Ziggie L@La Mod

服裝：CLUB MONACD

場地：La Mod Salon&Hair Spa