陳鍵鋒獲邀過檔唔認做叛將
陳鍵鋒近年致力北上發展賺人仔，鮮有留港與粉絲見面，適逢他早前回港休息半個月，陳鍵鋒即搞粉絲聚餐，與粉絲見面。未知陳鍵鋒是否久未返港，不少粉絲飯都未食，便夾住偶像影相，陳鍵鋒一於有求必應。
對於近期王維基掌舵的城市電訊大搞，問對方有否力邀他過檔？陳鍵鋒說：「其實我同王維基關係一直好好，早前我喺台灣拍劇，佢仲特登飛過嚟同我傾！」據知，王維基有意用他及張可頤兩個前無綫人，開劇打無綫，他對此說：「一切都未落實，我乜都唔知！」陳鍵鋒又強調在內地拍劇人工高兼福利好，所以十分享受在內地生活。問會否害怕被無綫標籤為叛將？他說：「唔會啦，呢個社會大把人轉工啦，唔通個個都係叛將？其實無綫對我ok，只係有啲人我唔鍾意。」